يېڭى جاۋابلار

ئىسلامدىكى ئەقىدە مەسىلىلىرىدىن: 1-جەننەت نېمەتلىرى بولسا پەقەت ھېسسى ۋە جەسەدى نېمەت ئەمەس، بەلكى ئۇ روھى، مەنىۋى، كۆڭۈل ئاراملىقى، ئاللاھ تائالانىڭ رازىلىقىغا ئېرىشىش ۋە ئاللاھقا يېقىن بولۇشتۇر، بەلكى ئومۇمى خەھەتتىن جەننەتتىكى ئەڭ كاتتا نېمەت بولسا ئاللاھ تائالانىڭ جامالىنى كۆرۈشتۇر. 2-ئىسلام دىنى پەقەتلا ئىشلاردىن چەكلەش ۋە تەرك قىلىشقا بۇيرىمايدۇ، بەلكى ئەمەل قىلىشقا بۇيرىدۇ، ھەقىقى نىجاتلىققا ئېرىشىش بولسا پەقەتلا چەكلەنگەن ئىشلارنى تەرك قىلىش بىلەن ئەمەس بەلكى بۇيرۇلغان ئىشلارنى ئادا قىلىش بىلەن بولىدۇ، ئۇ بولسىمۇ چەكلەنگەن ئىشلاردىن يىراق بولۇپ، مەجبۇرىيەتلەرنى ئادا قىلىشتۇر. 3-ئىسلام دىنى ۋاپات بولغانغا قەدەر ئاللاھ تائالاغا ئىتائەت قىلىدىغان ئىخلاسمەن، ھەر بىر مۆمىن ئۈچۈن ئۇنىڭ جەننەتكە كېرىدىغانلىقىغا كەسكىنلىك بىلەن كاپالەتلىك قىلىشنى بىرىنچى ئورۇنغا قويىدۇ. 4-ئىسلام ئېتىقادىنىڭ ئىنسانلارنىڭ گۇناھلىرى ۋە خاتالىقلىرىغا كۆرە تۇتقان ئورنى بولسا: ھەر بىر شەخس ئۆزىنىڭ قىلغان ئەمەللىرىنىڭ مەسئۇلىيتىنى ئۈستىگە ئالىدۇ، ئۇ باشقىلارغا يۈكلەنمەيدۇ شۇنىڭدەك، باشقىلارنىڭ قىلغان ئىشىنىڭ مەسئۇلىيتىمۇ ئۇ كىشىگە يۈكلەنمەيدۇ. 5-ئىسلامنىڭ ئاچقۇچى پەقەتلا بۇ ئىككى سۆزدىن ئىبارەتتۇر: ئاللاھ تائالادىن باشقا ئىبادەتكە لايىق ھېچ ھەق مەبۇد يوق دەپ ۋە مۇھەممەد ئەلەيھىسسالام ئاللاھنىڭ ئەلچىسى ۋە بەندىسى دەپ گۇۋاھلىق بېرىمەن دېمەكتۇر. بۇنىڭ بىلەن ئىنسان مىنۇت ئېچىدە ئىسلام دىنىغا كېرىدۇ، بۇنىڭ ئۈچۈن ھېچ دىنى مۇراسىم ياكى دىنى ئالىمنى چاقىرىش ياكى مەسچىت دېگەندەك مۇئەييەن بىر ئورۇنغا بېرىش كېرەك بولمايدۇ.

1-مۇسۇلماننىڭ نىجاسەتلەردىن يىراق بولۇپ، كۈچىنىڭ يېتىشچە نىجاسەتتىن ساقلىنىشقا ئۇرۇنۇشى ۋاجىپ بولىدۇ. 2-ئىنساننىڭ كىيىمىگە نىجاسەت يۇقۇپ قالسا، بۇنىڭ ئۈچۈن ئىنساننىڭ يۇيۇنىشى كېرەك بولمايدۇ. 3-نىجاسەتنى يوق قىلىش دېگەن نىجاسەت يۇقۇپ قالغان ئورۇننى نىجاسەتنىڭ ئەسىرى يوقالغانغا قەدەر يۇيۇش بىلەن بولىدۇ. 4-نامازنىڭ سەھىھ بولىشى ئۈچۈن نىجاسەتتىن پاك بولۇش شەرتتۇر. ئەگەر نىجاسەتتىن پاك بولمىسا ئۇ كىشىنىڭ نامىزى باتىل بولىدۇ. 5-ئىنساننىڭ كىيىمىگە نىجاسەت يۇقۇپ، سۈيدۈك تېمىپ كەتكەن بولسا، نىجاسەت يۇقۇپ قالغان ئورۇننى نىجاسەت يوقالغانغا قەدەر يۇيۇش كېرەك، يۇيۇلماي قالغانلىرى بولسا ئەپۇ قىلىنىدىغان ئاز نىجاسەتنىڭ قاتارىدىن ھېسابلىنىدۇ. 6-ئىنسان نىجاسەتنى تازىلىدىمۇ ياكى تازىلىمىدىمۇ بۇنىڭدا شەكلىنىپ قالسا، ھۆكۈم ئىشەنچىگە ئاساسەن بولىدۇ، نىجاسەت بار دېگەن ئىشەنچىسى كۈچلۈك بولسا نىجاسەت بولىدۇ، پاكىزلىدىم دېگەنگە ئىشەنچىسى كۈچلۈك بولسا پاكىزلىغان بولىدۇ، ئۆزىنىڭ پاك ئىكەنلىكىگە ئىشەنچ قىلىپ، ئاندىن كىيىمگە نىجاسەت يۇقۇپ قالغاندىمۇ دەپ شەكلىنىپ قالسا، ئۇ كىشىگە دېيىلىدۇكى: پاكلىق ئەسلى بولغاندىكىن پاكلىق ئىشەنچلىك بولىدۇ. 7-ئىنسان كىيىمىگە نىجاسەت يۇقۇپ قالغانلىقىنى نامازدىن بىكار بولغاندىن كېيىن بىلگەن بولسا، ئوقۇغان نامىزى توغرا بولىدۇ. 8-كىيىمىگە نىجاسەت يۇقۇپ قالغان كىشىنىڭ ناماز ئوقۇشى توغرا بولمايدۇ، ئەمما قۇرئان تىلاۋەت قىلىش قاتارلىق ئىشلارنى قىلسا بولىدۇ.